Sipas L’Equipe, PSG ka zgjedhur tashmë të ardhmen e portës së tij: francezët kanë vendosur të fokusohen te Donnarumma për sezonin e ardhshëm. Keylor Navas, pra, është i destinuar të dalë në shitje në merkaton e verës. Parisienët kanë disa portierë në organikë: përveç Gigios dhe kostarikanit, janë Sergio Rico, Marcin Bulka dhe Areola. E sigurtë është se priten disa ndryshime në shtëpinë e PSG, duke qenë se në diskutim janë edhe rolet e trajnerit dhe drejtorit sportiv.
L'Equipe shkruan se ajo e PSG është gjithashtu një zgjedhje anagrafike. Donnarumma është 23 vjeçar, Navas 35, edhe pse ka ende edhe dy vjet kontratë. Vlera e kartonit të tij kap vlerën e 10 milionë eurove. Ditët e fundit, Gigio i kishte kërkuar klubit që të gjente një zgjidhje përfundimtare gjatë një interviste, sepse ai nuk kishte ndërmend të përballej me një sezon tjetër në pankinë.
