Dygolëshi në shtëpinë e Reims nuk do të jetë performanca e fundit e Kylian Mbapé me fanellën e PSG. Përveç zhvillimeve befasuese të Real Madridi në orët e fundit të merkatos së transferimeve, të cilat nuk janë në horizont, kampioni francez do të mbetet në Paris dhe tani është i bindur të shtyjë transferimin e tij në Spanjë. Drejtuesit e PSG, të irrituar nga qëndrimi i Real Madrid, ngriti një mur mbi ofertën prej 170 milionë euro plus 10 bonus dhe, siç u njoftua nga Al Khelaifi, në ditën e shortit të Ligës së Kampionëve, aprovimi për largimin e Mbappe, në këtë verë, do të arrinte vetëm me kushtet e PSG.
Gazeta spanjolle Marca, e cila ditët e fundit kishte lajmëruar me siguri rezultatin e suksesshëm të negociatave, ka bërë tashmë një hap prapa. Pa një rikthim të rëndësishëm të Real Madrid, me një ofertë që kapërcen murin prej 200 milionë eurosh, për një lojtar kontrata e të cilit skadon në 10 muaj, Mbappé do të mbetet aty ku është.
Edhe vetë Mbappé është i bindur për këtë e, siç raportohet nga gazeta, ai është i qetë në Paris dhe i gatshëm të shohë se çfarë do të ndodhë pa e sforcuar situatën me qëndrime armiqësore. Demonstrimi erdhi pikërisht në ndeshjen kundër Reims në të cilën francezi e nisi titullar, duke shënuar të dy golat e ndeshjes. Nëse transferohet menjëherë te Real mirë, përndryshe e prêt tridhembëshi i ëndërrave me Messi e Neymar.
Në të njëjtën kohë, strategjia e PSG është gjithmonë e njëjtë: të heqë dorë nga oferta e Real Madrid dhe të mbajë Mbappe për një vit tjetër, duke shpresuar që gjatë sezonit të gjejë një marrëveshje për rinovimin e kontratës që skadon në vitin 2022. Një rrezik, për ta humbur sulmuesin me parametër zero, por që Al Khelaifi ka vendosur ta provojë.
