Detaje të reja janë mësuar nga aksidenti i rëndë që shkaktoi katër humbje jete mëngjesin e sotëm në aksin Vlorë-Levan në afërsi të fshatit Panaja në vendin e quajtur ‘Kripa’. Burimet bëjnë me dije se automjeti ‘Toyota’ me targa greke ka humbur kontrollin dhe ka dalë nga rruga si pasojë e një goditjeje që ka marrë nga mbrapa nga një automjet tip ‘Audi’, i cili po lëvizte me shpejtësi shumë të lartë. Të dy automjetet kanë përfunduar jashtë rruge, por dëmtimet më të mëdha i ka marrë automjeti me targa greke. Përplasja ka qenë tepër e fortë sa mjeti tip Audi ka thyer dhe shtyllën e energjisë elekrtrike. Në vendngjarje ndodhen policia dhe grupi hetimor të cilët po punojnë për zbardhjen e rrethanave të aksidentit.
Njoftimi policise
Në vijim të informacionit paraprak të dhënë pak më parë, ju bëjmë me dije se: Si pasojë e aksidentit kanë ndërruar jetë 4 personat që udhëtonin me mjetin “Toyota”, shtetasit E. G., 44 vjeç, S. G., 33 vjeçe, A. G., 14 vjeçe dhe E. G., 9 vjeçe.
Ndërkohë, në spitalin e Vlorës po marrin mjekim 3 shtetasit që udhëtonin me mjetin “Audi”, I. M., F. L dhe G. S., të cilët ndodhen jashtë rrezikut për jetën.
Vijojnë veprimet nga grupi hetimor për sqarimin e rrethanave të aksidentit.
[video width="848" height="480" mp4="https://cdnimpuls.com/lapsi.al/wp-content/uploads/2021/06/WhatsApp-Video-2021-06-25-at-9.06.13-AM.mp4"][/video]
[video width="848" height="480" mp4="https://cdnimpuls.com/lapsi.al/wp-content/uploads/2021/06/WhatsApp-Video-2021-06-25-at-9.09.14-AM.mp4"][/video]
