Kryesia e Partisë Demokratike do të mblidhet sot në orën 18:00 për të miratuar kandidaturat për kryetar partie të Lulëzim Bashës, Agron Shehaj, Fatbardh Kadilli, Edith Harxhi dhe Ibsen Elezi për zgjedhjet që do zhvillohen më 13 qershor.
Surprizë ishte se Agron Shehaj shpalli kandidaturën e tij ditën e fundi duke u bere i vetmi deputet qe ka fituar në zgjedhjet e 25 prillit qe do te konkuroje kryetarin aktual.
Lulzim Basha kërkon të zgjidhet për herë të tretë në krye të PD. Pas zgjedhjeve të 25 prillit, Basha është shprehur se do të vazhdojë betejën për rrëzimin e qeverisë Rama, ndërsa këtë të fundit e ka akuzuar për manipulimin e zgjedhjeve.
Largimin e Bashës e ka kërkuar grupi “Për PD” brenda partisë. Ata kanë propozuar Edith Harxhin dhe Ibsen Elezin si kandidatë për kryetarë të partisë. Ky grup ka kërkuar gjithashtu shyrjen e datës së zgjedhjeve. Pjesë e grupit “Për PD” janë edhe kreu i Këshillit Kombëtar të PD, Bujar Nishani dhe ish-ministri i Mbrojtjes Arben Imami.
Kryesia që do të mblidhet sot do të vendosë nëse kandidaturat janë në përputhje me statutin e partisë. Zgjedhjet Blitz te 13 qershorit zhvillohen nën traumën e shpalljes non grata nga departamenti i shetit per Berishën. Deri me tani asnje nga kandidatet nuk ka shpallur mbrojtjen e berishizmit si linje te veten.
