Kreu i Partisë Demokratike, Lulzim Basha ka dhënë mesazhin se beteja e tij do të vijojë deri në fitore, pas takimit të sotëm në Elbasan. Lideri demokrat thotë se fushata nisi në krahun e qytetarëve dhe për ta, prandaj beteja do të vijojë në krahun e tyre.
Basha thekson se beteja do të vazhdojë deri në fitoren e Shqipërisë dhe çdo familje shqiptare.
"Ne e nisëm këtë fushatë në krahun tuaj dhe për ju. Ne do ta vazhdojmë këtë betejë në krahun tuaj dhe për ju deri në fitoren e çdo familje shqiptare deri në fitoren e Shqipërisë." shkruhet në statusin e Bashës.
Ditën e sotme lideri demokrat është ndalur në qytetin e Elbasanit në turin e takimeve post-elektorale. Nga ky qytet, Basha ka ripërsëritur edhe njëherë tjetër vullnetin e Partisë Demokratike për të mos njohur zgjedhjet, duke ritheksuar se ato janë manipuluar e vjedhur.
