Procesi i numërimit të votave të zgjedhjeve parlamentare po shkon drejt fundit. Deri më tani janë numëruar 4653 qendra votimi nga 5199 në total ose thënë ndryshe rreth 88% të votave. Në disa qarqe numërimi është mbyllur ndërsa në të tjerë vijon ende.
Në qarkun e Tiranës, procesi i numërimit të votave është ndërprerë në të gjitha KZAZ-të dhe pritet të rinisë në orën 08:00. Ky proces është ndërprerë gjatë natës për shkak të lodhjes së numëruesve.
Qarku i Shkodrës në veri duhet të numërojë edhe 18 qendra votimi. Në këtë qark nuk pritet të ketë ndonjë ndryshim të mandateve dhe sipas rezultateve të deritanishme, PD merr 5 mandate, 3 PS, 2 PSD dhe 1 LSI.
Procesi është drejt përfundimit edhe në qarkun e Elbasanit, pasi edhe 8 kutitë e fundit për t’u numëruar në këtë qark.
Në Krujë janë numëruar 38 kuti votimi nga 92 në total.
Numërimi në qarkun e Beratit, po ashtu, pritet të përfundojë dhe mësohet se kanë mbetur për t’u numëruar edhe 11 qendra votimi.
