Presidenti i Republikës Ilir Meta, nëpërmjet një postimi në rrjetin social “Facebook” bën thirrje që asnjë votë të mos tjetërsohet gjatë procesit të numërimit. Kreu i shtetit Meta gjithashtu bën apel që të ruhet qetësia deri në shpalljen e rezultateve.
Presidenti shton se çdo votë në kuti do të numërohet dhe rinumërohet deri në fund. Kreu i Republikës flet për përzgjedhje të qëllimshme të kutive të numërimit për qëllime demoralizimi të rivaleve dhe bën thirrje për ruajtje të qetësisë deri në shpalljen e rezultateve përfundimtare.
“Asnjë votë të mos tjetërsohet në procesin e numërimit. Numëruesit të mos ndikohen nga përzgjedhjet e qëllimshme të kutive të numërimit për qëllime demoralizimi të rivaleve. Të gjithë të ruajnë qetësinë deri në shpalljen e rezultateve përfundimtare.
Çdo votë në kuti do numërohet dhe rinumërohet deri në fund. ??”, deklaron Presidenti Meta.
