Procesi i numërimit të votave vijon prej disa orësh në të gjithë vendin. Deri në mëngjesin e sotëm në këtë orë janë numëruar gati 1/4 e kutive nga ku rezulton se Partia Socialiste ka marrë 50.19%, PD 38.26%, LSI 7% dhe PSD 1.86%. Pra socialistët udhëheqin bindshëm deri tani nga numërimi i kutive, por janë edhe shumë në proces.
Sa i përket njësive administrative të jugut të vendit, të dhënat e raportuara nga KQZ tregojnë se kryeson PS.
Qarku i Vlorës udhëhiqet nga PS me 57.91% kundrejt PD-së me 32.36% dhe 6.12 % të LSI-së.
Qarku Fier kryesohet nga PS me 52.56%, PD 37.89% dhe LSI 6.16%.
Në qarkun Korçë PS përsëri është në avantazh me 48.28% të votave kundrejt PD me 28.92% dhe LSI 8.53%.
Qarku Berat përsëri kryesohet nga PS 53.6%, PD me 31.48% dhe LSI 12.57%.
Në qarkun Gjirokastër, kryeson PS me 54.95% kundrejt PD-së me 30.02%, LSI me 13.44% të votave.
