Ministrja e Shëndetësisë, Ogerta Manastirliu deklaroi se procesi i vaksinimit të mësuesve dhe bluzave të bardha ka përfunduar. Nga Pogradeci, ajo tha se deri tani janë vaksinuar rreth 192 mijë qytetarë. Ndërkohë ministrja njofton se procesi do të vijojë me pjesën tjetër të rrezikuar nga Covid-19.
“Po vijon vaksinimi për të moshuarit +70 vjec dhe efektivët e policisë. Ka përfunduar vaksinimi i arsimtarëve të arsimit publik dhe jopublik. Mjekët dhe infermierët kanë marrë dozën e dytë dhe ka përfunduar si proces. Në shkallë vendi në total jemi në nivel 192 mijë të vaksinuar deri dje. Sot do të arrijmë në 200 mijë të vaksinuar.”, tha Manastirliu.
