Këtë të dielë, kryeministri Edi Rama ndodhet në Elbasan nga ku po prezanton kandidatët për deputetë në këtë qark. Gjatë fjalës së tij, kreu i qeverisë ka komentuar mbi përplasjen mes kandidatit për deputet të PD, Luçiano Boçi, dhe biznesmenit Gjergj Luca. Rama tha se nëse grushtuesi i sipërmarrësit do të kishte qenë cilido nga anëtarët e PS-së, kundërshtarët politikë do të kishin vënë kujën.
"E pamë në Elbasan dhe ju ftoj ta imagjinoni sikur grushtuesi i një sipërmarrësi, i një punëkrijuesi të madh, të kishte qenë cilido prej nesh prej djemve dhe burrave që janë këtu në tavolinë, grabitësi i telefonit të tij të ishte Taulanti, apo Luani, cilido qoftë çfarë do të ishte bërë. Sa e-maile dhe telefonata, e lumenj lumi do kishin derdhur nëpër Evropë dhe sa do të kishin vënë kujën. Ne e kemi të qartë se janë të dëshpëruar se e kanë të qartë që nuk kanë mundësi të kenë një shans tjetër”, tha Rama.
