Një 28-vjeçar shqiptar ka rënë në prangat e policisë italiane, pasi akuzohet për trafik të lëndëve narkotike.
Mediat vendase bëjnë me dije se i riu shqiptar ishte në një hotel në momentin e arrestimit, ndërsa tentoi të arratisej nga çatia. Ai u vu në pranga në momentin kur tentoi të largohej dhe u dërgua në burg.
Ndër të tjera mësohet se shqiptari qëndronte në Itali në mënyrë ilegale, pasi ai ishte dëbuar dhe nuk i lejohej hyrja për 10 vjet.
Ndërkohë kujtojmë se më herët gjykata kishte dhënë për të masën e sigurisë arrest shtëpie, por u arrestua sërish, teksa u pa të lëvizte lirisht në rrugë.
