I ngarkuari i Bashkimit Evropian në dialogun Kosovë-Serbi, Miroslav Lajçak deklaroi sot se Bashkimi Evropian pret vazhdimin e dialogut. Në një postim në ‘Twitter’, Lajçak shkruan se para largimit nga Prishtina ka informuar shtetet e BE-së për vizitën në Kosovë.
“Para se të largohesha nga Prishtina sot, unë informova shtetet anëtare të BE-së për vizitën time. Ne ramë dakord që dialogu është i një rëndësie të veçantë për aspiratat evropiane të Kosovës dhe Serbisë dhe BE pret vazhdimin e tij”, shkruan Lajçak.
Në njoftimin për media të Zyrës së BE-së në Kosovë thuhet se gjatё vizitës sё tij nё Kosovë menjёherё pas zgjedhjeve të fundit parlamentare, Lajçak informoi fituesin e zgjedhjeve, presidentin e Vetëvendosjes Albin Kurti, në detaje mbi progresin e bërë në dialogun Prishtinë-Beograd që nga rifillimi i tij në korrik 2020.
