Një modele e Playboy mund të përballet me 7 vjet burg pasi pozoi nudo përpara një xhamie turke dhe se u shtri lakuriq mbi flamurin e Turqisë. Bëhet fjalë për modelen belge Marisa Papen e cila shkaktoi zemërim pasi publikoi foto me fustanin e ngritur përpara xhamisë së Stambollit.
Prokurorët turq e akuzuan atë për "fyerje të shenjave të sovranitetit të shtetit" dhe i quajti fotot "veprime të turpshme" dhe "të pahijshme". Në kohën kur ajo bëri fotot Agia Sofia ishte një muze, por tashmë është kthyer në xhami.
Marisa nuk ndodhet në Turqi por ajo tha se autoritetet po e kërkojnë. Ajo ka hapur edhe një faqe në internet të quajtur “Atlasi i zhveshjes” ku ka publikuar foto të saj lakuriq në shumë vende të botës. Në vitin 2018, ajo u arrestua në Itali për pozimin e saj e zhveshur para Vatikanit.
Ajo gjithashtu ndezi zemërim për pozimin e saj nudo pranë Murit të Vajtimit të Jeruzalemit. Modelja u arrestua në Egjipt për të njëjtën vepër pasi u zhvesh në Tempullin Karnak në Luxor. Për fat të mirë ajo u lirua duke paguar një gjobë.
Marisa pretendon se arsyeja që bën këto foto të çuditshme është për të rritur ndërgjegjësimin për luftën e saj për barazinë e grave. Në një intervistë për The Sun ajo tha se kjo “është një britmë për lirinë. Unë dua të kthehem në një kohë kur gratë ishin mbretëresha." Kjo është arsyeja pse unë dua të shkoj në të gjitha këto vende, ku gratë ishin të shtypura” – tha ajo. ©LAPSI.al
