Pas sekretarit të përgjithshëm, Blendi Klosi, edhe kreu i grupit parlamentar Taulant Balla ka refuzuar kërkesën e kryebashkiakut Erion Veliaj për të qenë i pranishëm në asamblenë e PS, qoftë edhe përmes një video-konference nga paraburgimi i Fierit.
"Unë mendoj, dhe e kam thënë, që çështjet e çdo përfaqësuesi të zgjedhur të PS-së, në të gjitha nivelet, me drejtësinë janë çështje individuale. As PS-ja, as Asambleja, as Kryesia, as organizatat socialiste nuk janë mburojë e askujt në përballjen me drejtësinë. Në këtë këndvështrim, Veliajn e kam mik, por përballjen me drejtësinë duhet ta bëjë vetë, pa përfshirë grushtin dhe trëndafilin e PS-së" tha Balla, që u pyet nga gazetarët për këtë çështje.
-
Kërkesa për tu shfaqur në PS/ Çfarë loje po luan Veliaj?
10 Nëntor, 18:43
Sipas Ballës, beteja me drejtësinë është e Veliajt dhe PS refuzon të përfshihet duke iu bërë mburojë.
"Sa i përket kohëzgjatjes së paraburgimit, jemi në këto kushte për shkak të një nonsensi të krijuar, në shkelje të parimeve bazë të të drejtave të njeriut. Për sa kohë që një çështje ka shkuar në gjykim, mbajtja në paraburgim është në shkelje të parimeve themelore dhe të vendimit të Gjykatës Europiane. Përballjen me drejtësinë çdo përfaqësues i PS-së e ka më vete. S’bëhemi mburojë. Çdo përfaqësues të mos përfshijë organet e PS-së. Këto vendime i marrin organet e drejtësisë" u shpreh Balla.
Qëndrimi i PS për Veliajn bie ndesh me vendimin e socialistëve për të refuzuar kërkesën e SPAK për arrestimin e Belinda Ballukut për shkelje të barazisë në tendera.
