Gjykata e Posaçme e Apelit ka lënë në fuqi vendimin e shkallës së parë për pushim të hetimit për 3 gjyqtarët qe rrëzuan burgimin e përjetshëm për Dritan Dajtin. Petrit Alija, Skënder Damini dhe Aleks Nikolli dyshohen nga Prokuroria për korrupsion.
Dajti akuzohet për vrasjen e 4 punonjësve të policisë në vitin 2009, ndërsa u deshën 10 vite që dënimi të merrte formë të prerë. Asokohe pranimi i gjykimit të shkurtuar me shumicë vote nga ana e pesëshes së Apelit të Krimeve të Rënda, u diskutua gjatë në opinionin publik.
