Ish-kryeministri Sali Berisha ka bërë një thirrje që të gjithë shqiptarët që t’i bashkohen protestës së thirrur në rrjetet sociale pas vrasjes nga policia e Tiranës e të riut Klodian Rasha.
Organizimi do të nisë në orën 22:00, para kryeministrisë në një orar kur zyrtarisht nis ora policore.
Berisha thotë se rrjetet sociale kanë shpërthyer me zemërim, duke e krahasuar me vrasjen e George Floyd në SHBA.
"Ata kanë bërë thirrje për protesta. Mijëra qytetarë nga mbarë vendi përgatiten të vërshojnë drejt Tiranës për të protestuar me moton: “Që e drejta e një individi mos të jetë vdekja e tij” - shkruan Berisha.
Këtë të martë u mbaj një protestë nga të rinjtë e Shkodrës që janë grumbulluar paqësisht në respekt të 25-vjeçarit. ©LAPSI.al
