Kryetari i Partisë Demokratike, Lulzim Basha, ka vizituar mbrëmjen e sotme familjen e 25-vjeçarit Klodjan Rasha, që u qëllua për vdekje nga patrulla e skuadrës “Shqiponja”, pasi refuzoi të ndalonte dhe kanosi efektivët. Basha ka ngushëlluar familjen e të riu, ndërsa e ka dënuar ashpër vrasjen e të riut, duke kërkuar “vënien para përgjegjësisë jo vetëm të atyre që kanë qëlluar mbi të, por mbi të gjithë strukturën drejtuese të policisë dhe kryeministrit, që arrogancën dhe brutalitetin e tij e ka injektuar në çdo hallkë të zinxhirit shtetëror”. Basha i ka shprehur ngushëllimet e thella familjes Rasha për humbjen e pazëvendësueshme të djalit të tyre.
