Kryetari i AAK-së Ramush Haradinaj thotë se kjo parti nuk po e vë kusht postin e presidentit. Ai thotë se nuk është partia që ai udhëheq që e çon vendin në zgjedhje.
“Rrenë është kush thotë se AAK po e çon vendin në zgjedhje. VV, LDK, PDK e zgjedhin presidentin edhe pa Aleancën, s’kanë nevojë hiç. Nuk po e çon Aleanca vendin në zgjedhje”, - thotë Haradinaj.
“I kam nxjerrë prej opozitës dhe i kam pru në pushtet. Kur isha në pushtet janë munduar të më rrëzojnë përditë, pse ngulja këmbë për njëfarë takse. Këta njerëz janë ata që kanë bërë Gjykatën Speciale, këta njerëz thonë: “Na ke borxh”. O nuk të kam borxh, po më vjen keq”, - tha Haradinaj për RTV Dukagjini.
“Nëse s’arrijmë me e zgjedh presidentin, shkojmë në zgjedhje. Qëndrim tjetër s’kemi. Unë nuk kam votë për tjetërkënd. Presidentin mund ta zgjedhë edhe vetëm LDK-ja, PDK-ja dhe partitë tjera. Nëse nuk e marr besimin nuk i jap besimin dikujt tjetër”, - tha ai.
Haradinaj tha se me Mustafën nuk folën për postin e presidentit kur u dakorduan për formimin e qeverisë “Hoti”.
“Asnjëherë s’e kemi diskutuar presidentin, vetëm formimin e qeverisë edhe atë pa kushte”, - tha ai. ©LAPSI.al
