Shoqata e Botuesve Shqiptarë ka reaguar pas njoftimit të Ministrisë së Shëndetësisë dhe Mbrojtjes Sociale se Panairi i Librit këtë vit nuk do të zhvillohet për shkak të pandemisë. Shoqata ka marrë vendimin që këtë vit Panairi do të mbahet online. Në një postim në rrjetet sociale Shoqata ka njoftuar se Panairi i Librit t’i mungojë qytetit të Tiranës, por edhe lexuesve nga gjithë vendi, kësaj here në një edicion special, kryesisht online.
Ky Panair do të karakterizohet nga një bashkëpunim i gjerë i botuesve shqiptarë. Gjatë ditëve të tij, botues, shkrimtarë, poetë, përkthyes, lexues dhe njerëz të kulturës do të takohen për diskutime librash, prezantime titujsh të rinj, por edhe tryeza debatesh, në live stream, ose në mjedise fizike, duke respektuar të gjitha kushtet e sigurisë.
