Kryeministri Edi Rama ka komentuar çështjen e votës së emigrantëve në 25 prill. I pyetur nëse do të mund të votojnë emigrantët, kreu i qeverisë tha se ky vendim i takon kryekomisionerit ta vlerësojë, ndërsa shtoi se mirëpret këdo që ka një mendim se si mund t’i përfaqësojë ata.
"Në këndvështrimin tim është humbur shumë kohë për këtë çështje, ashtu siç është humbur kohë edhe me identifikimin biometrik. Por përsëris se me këtë platformë mirëpresim të gjitha ata që janë në emigracion, që mendojnë se kanë diçka që mund ta ofrojnë. Patjetër ne do ta konsiderojmë dhe është objektivi ynë që të kemi dikë të përfaqësojë dëshirën e atyre që janë në emigracion. A do ta realizojmë dot. Këtë nuk e di, por jemi shumë të interesuar ta bëjmë këtë gjë”, tha kreu i qeverisë.
