Kuvendi i Shqipërisë ka hapur thirrjen për zëvendësimin e dy vendeve në dy institucionet e reja të drejtësisë, KLGJ dhe KLP. Sipas Kuvendit, vakancat në Këshillin e Lartë të Prokurorisë janë ato të Gent Ibrahimit dhe Sandër Becit, ndërsa vakancat në Këshillin e Lartë Gjyqësor janë ato të Maksim Qokut dhe Erjon Muharremajt. Dy anëtarët e KLP-së dhe KLGJ-së janë zgjedhur nga Kuvendi dhe janë me mandat 3 vjeçar. Kuvendi i ka votuar ata në shkurt të vitit 2018, dhe sipas këtij institucioni, mandati i tyre përfundon në shkurt 2021.
Megjithatë, puna e KLGJ-së e KLP-së ka filluar zyrtarisht në dhjetor të 2018-ës e sipas anëtarëve, mandati i tyre tre vjeçar përfundon në dhjetor të 2021-shit. Për këtë arsye ditën e sotme, të dyja institucionet janë mbledhur për të diskutuar dhe për llogaritjen e afatit dhe përcaktimin se kur mandatet tre vjeçare të anëtarëve të tyre përfundojnë.
