71 vjeçari Lefter Zhidru është duke qëlluar në drejtim të policisë në Elbasan, pasi nuk pranon të dorëzohet.
Zhidru ka patur një konflikt familjar me gruan e tij dhe në banesën e tij ka shkuar policia.
Në të gjithë perimetrin e sigurisë janë vendosur forca policore. Policia i bën thirrje të moshuarit që të dorëzohet.
Forcat RENEA, të armatosur, kanë rrethuar pallatin ku jeton i moshuari.
I moshuari, gjatë rezistencës, ka plagosur lehtë dy persona, kalimtarë të rastit. RENEA iu ka bërë thirrje qytetarëve që të kenë kujdes. Nga banesa e tij është shtënë mbi 1 orë. Tani nuk ka të shtëna me armë, ndërsa RENEA është mirë-organizuar për të neutralizuar 71-vjeçarin Zhidru.
