Nënkryetarja e Bashkisë Shkodër Emilia Koliqi ka rezultuar pozitive me COVID-19. Nënkryetarja ka bërë testin një ditë më parë dhe sot ka marrë konfirmimin si e infektuar. Sipas burimeve Koliqi ndodhet në gjëndje të mirë shëndetësore dhe i vetmi problem është temperatura 37.5.
Tashmë pas përgjigjes Koliqi ndodhet në karantinë në banesën e saj. Pas konfirmimit të saj me COVID-19 një sërë punonjësish të Bashkisë Shkodër po bëjnë tamponet kryesisht ata që kanë patur kontakte me nënkryetaren Koliqi.
Sipas burimeve është e paqartë se ku është infektuar nënkryetarja ndërsa burime pranë saj bëjnë me dije se ka dyshime se mund ta ketë marrë në ndonjë dyqan.
Dita e fundit kur ka qenë në punë ka qenë dita e enjte e javës së kaluar, më 25 qershor. Tashmëpo merren masa për testet ndaj punonjësve të tjerë por edhe dezinfektimin e zyrës së nënkryetares dhe mjediseve të tjëra të Bashkisë Shkodër.
