Edi Rama do të shkojë sot në Kosovë. Në vizitën e tij zyrtare, Rama do të zhvillojë disa takime radhazi.
Rama do takohet me thuajse të gjithë udhëheqësit e vendit, duke nisur nga presidenti i vendit, Hashim Thaçi, kryeministri Avdullah Hoti, Kryeparlametnarja Vjosa Osmani si dhe liderët e partive.
Rama pritet të qëndrojë në Kosovë pikërisht në një situatë shumë të vështirë nëpër të cilën po kalon vendi, pas zhvillimeve të fundit me ngritjen e aktakuzës nga Prokurori Special në Hagë ndaj presidentit Thaçi dhe liderit të PDK-së, Kadri Veseli.
Madje Rama gjatë javës së kaluar qëndroi në Parlamentin e Shqipërisë ku iu drejtua qytetarëve dhe deputetëve lidhur me luftën e pastër të UÇK-së si dhe drejtimin e komandantëve të UÇK-së, disa prej të cilëve tash e sa vite janë pjesë e strukturave politike e udhëheqëse.
