I dërguari i posaçëm i ShBA-së për të drejtuar dialogun Kosovë-Serbi, Richard Grenell zhvilloi mbrëmjen e djeshme (26 qershor) një videotakim me anëtarët e komunitetit amerikano-shqiptar.
Ai i informoi ata për takimin që kishte zhvilluar me Presidentin Donald Trump të cilit i komunikoi dhe vendimin për anulimin e takimit mes palëve e cila ishte parashikuar të zhvillohej këtë të shtunë në Washington.
Trump e autorizoi Grenellin që t’i jap edhe një mundësi dialogut për të parë nëse ka shanse që ai të rifilloj në të kundërtën, ambasadori mund të caktohet për detyra të tjera - shkruan RTK.
Grenell gjithashtu u shpreh se ekziston një urgjencë në nevojën që kosovarët të organizohen dhe të shprehin qëllimet e tyre të qarta për të ndjekur dialogun me një kërkesë zyrtare për ritakim.
Të pranishëm në takim ishin Martin Vulaj, Ish-drejtuesi i Këshillit Kombëtar të Shqiptarëve në ShBA, Elmi Berisha kryetari i Vatrës, Ana Cenaj e cila e përfaqësoi komunitetin amerikano-shqiptar në Dallas dhe Teksas, si dhe Uk Lushi nga Batalioni Atlantiku.
