Rifillon Kupa e Italisë, rinis kampionati: pas dy javësh do të dorëzohet titulli i parë sezonal, për titullin duhet pritur deri në fund të korrikut. Kupa, mes një polemike e një tjetre mbi datat e gjysëmfinaleve, vazhdon përpara me qetësi, sepse në fund të fundit janë vetëm tre ndeshje: më pak se një javë e gjithcka zgjidhet. Serie A, ndërkohë, është krejt tjetër gjë: ja atëherë skenarët, nga përfundimi i rregullt, tek playoff deri në "planin C", me algoritëm "gravinian" të lajmëruar e akoma të panjohur.
Pikërisht kjo hipotezë i ka bërë të gjithë skeptikë, sepse pak e dinë për cfarë bëhet fjalë dhe askush nuk e do. Është e qartë se po flasim për hipotezën e tretë, ndaj dhe propbabiliteti është i vogël dhe për më tepër nuk do të shërbejë për të dorëzuar titullin kampion. Sipas asaj që bëhet e ditur, algoritmi duhet të bazohet në tre faktorë kryesorë: rendimenti në shtëpi e transfertë, numrin e ndeshjeve të luajtura e golat e shënuar. Kjo për të ndërtuar një klasifikim të pëlqyeshëm që nuk do të vendosë titullin: nëse nuk do të luhen ndeshjet e playoff, kampionati nuk do të ketë fitues.
Hipotezë që nuk i pëlqen aspak askujt. Madje ka gjetur kundërshtinë e gati të gjithë klubeve: për arsye të ndryshime është një zgjidhje që nuk i pëlqen asnjërit. Të qartë, në lidhje me këtë, fjalët e administratorit të deleguar të Inter Beppe Marotta: "Jemi absolutisht kundër cdo zgjidhje alternative që nuk është ajo për të përfunduar kampionatin ose kristalizuar klasifikimin" ka deklaruar ai për Gazzetta. "Algoritmi nuk është një zgjidhje: si mund të konsiderohet e “paparashikueshme” ajo që bazohet në futboll? Më mirë të vlerësojmë klasifikimin në këtë pikë”. Ky është opinioni i të gjithëve mbi algoritmin e panjohur e që i frikëson të gjithë.
