Kryeministri Rama është duke u përballur me reagimet e shumta në lidhje me shembjen e Teatrit Kombëtar edhe nga shumë vende jashtë Shqipërisë.
Ai përmes Twitter-it shkruan se ka pasur biseda me miq ndërkombëtarë jashtë vendit, për të përmbysur, sipas tij, me fakte kështjellën e baltës së eksportuar nga prodhuesit e shpifjeve për godinën e shembur.
Reagimi i plote
Biseda të mira sot me miq ndërkombëtarë jashtë vendit, për të përmbysur me fakte kështjellën e baltës së eksportuar nga prodhuesit e shpifjeve për godinën e shembur dhe ngjarjet rrotull saj! Gënjeshtra vrapon më shpejt se e vërteta, po këmbët e shkurtra e lënë në mes të rrugës.
Biseda të mira edhe me miqtë ndërkombëtarë në Tiranë dhe dakordësi e plotë për të parë përpara të gjitha bashkë, duke adresuar menjëherë domosdoshmërinë e finalizimit të reformës zgjedhore, me të gjithë gatishmërinë tonë për përmbushjen e rekomandimeve të OSBE/ODHIR-it.
