Dy shqiptarë kanë rënë në pranga te policisë italiane, pasi akuzohen për trafik ndërkombëtar droge. Mediat italiane shkruajnë se janë arrestuar Alfred Tusha, 28-vjeç dhe Leonard Spahiu, 40-vjeç. Ata u arrestuan në një laborator droge, në Montesilvano të Pescara, ku bënin përgatitjen e lëndës narkotike, për ta shpërndarë më pas në tregun me pakicë.
Ka qenë një gabim i shpërndarësve të lëndës narkotike që ka bërë që policia të bjerë në gjurmë të dy shtetasve nga Shqipëria. Policia gjeti 34 kilogramë heroinë, sekuestrimi më i madh i drogës në Abruzzo vitet e fundit. Nëse droga e sekuestruar do të hidhej në treg do të kishte vlerën 2 milionë eurove. Kjo lidhet edhe me fakstin se pas “karantinës ”, kërkesa është rritur dhe çmimi po ashtu. ©LAPSI.al
