Koronavirusi nuk ndalon dot as sherret me grushta. Vetëm pak metra larg drejtorisë së policisë së Tiranës një motoçiklist dhe taksist janë konfrontuar fizikisht me njëri-tjetrin duke përfunduar duke u zënë me grushta.
Mësohet se shkak i këtij sherri ka qënë një parakalim i gabuar nga taksia, gabim të cilin motoristi nuk e ka toleruar. Kaq ka mjaftuar që të nisë përleshja, duke bërë që të ndërhyjnë edhe forcat “Shqiponja”, të cilët duken në video duke diskutuar me dy protagonistët e sherrit.
“Ça ke? Do të të ** robt,”-dëgjohet duke thënë në video motoristi.
Megjithatë lajmi i mirë është se edhe pse po ziheshin me grushta, taksisti mban vënë gjithë kohës maskën kundër koronavirusit, shenjë kjo që vendi është gati për lirimin e masave pasi këshillat e ekspertëve i kemi “vath në vesh”. Madje edhe kur ka përpleshje fizike.
