Maqedonia e Veriut vazhdon të regjistrojë çdo ditë viktima si pasojë e koronavirusit. Autoritetet shëndetësore atje bëjnë të ditur se në 24 orët e fundit 4 persona kanë ndërruar jetën, duke e çuar në 81 numrin total të viktimave.
Po ashtu në 24 orët e fundit në fqinjin tonë janë realizuar 362 teste, prej të cilëve 29 kanë rezultuar pozitiv me Covid-19.
Sipas statistikave numri i personave të diagnostikuar me Covid-19 ka shkuar në 1494, prej të cilëve 606 raste janë aktive.
Të shëruar në Maqedoninë e Veriut deri tani janë 807 persona.
