Policia thotë se ka zbardhur plagosjen e së martës në Shkodër ku mbeti i plagosur me armë 50-vjeçari Gëzim Bici. Në pranga është vënë një 59-vjeçar me iniciale H. I. alias B. I. banues në Shkodër. Shkak i plagosjes sipas policisë janë bërë motivet e pronësisë.
“Vijon puna për gjetjen e armës, pasi dyshohet se autori, pas plagosjes, mund ta ketë hedhur armën në lumin Buna. Materialet iu referuan Prokurorisë së Rrethit Gjyqësor Shkodër, për veprën penale “Vrasja me paramendim, e mbetur në tentativë” – thuhet në njoftimin e policisë. ©LAPSI.al
