Pas vendimit të qeverisë për të shpallur gjendjen e Fatkeqësisë Natyrore në të gjithë vendin ka reagiar Partia Demokratike që kishte gati një javë që këmbëngulte për marrjen e këtij vendimi.
“Partia Demokratike përshëndet vendimin për shpalljen e gjendjes së fatkeqësisë natyrore, 5 ditë pas kërkesës zyrtare të Kryetarit të Opozitës Lulzim Basha.
Akti i shpalljes së masës së jashtëzakonshme duhet plotësuar pa humbur më asnjë ditë nga Qeveria me vendimin për masat e kompensimit të dëmeve, procedurat, afatet, strukturat shtetërore përgjegjëse për vlerësimin e dëmeve, si dhe dëmet dhe subjektet që kompensohen.
Sipas Kushtetutës dhe ligjeve të vendit, është detyrim i shtetit shqiptar të përgjigjet për dëmet që shkaktohen nga pasojat e një fatkeqësie” – thuhet në një deklaratë të të PD-së. ©LAPSI.al
