Presidenti i Republikës Ilir Meta ka folur për herë të parë për komentin që bëri pak ditë më parë për atë që ai e quajti “shantazh ndaj ambasadorit të BE-së në Tiranë me një video intime”.
I pyetur pse u kujtua kaq vonë për këtë çështje kur për të ka muaj që flitet e shkruhet, Meta tha se vetëm tashmë kishte dëgjuar vetë ambasadorin të shprehej. Meta pranoi se “nuk kishte ndonjë marrëdhënie të shkëlqyer” me Sorecën dhe se e kishte sqaruar atë vazhdimisht për qëndrimet e tij.
Sa i takon çështjes së videon intime Meta thë në emisionin “Open” në TCH se “kur një ambasador ngre një shqetësim në publik, si të mos të shqetësohet Presidenti i Republikës. Hipokrizi? Nuk kisha pse ta ngrija çështjen derisa nuk kishte dalë nga vetë ambasadori.
Ai bëri një shqetëim publik dhe unë e kisha detyrim të bëja një deklaratë mbështetëse. Presidenti dha një mesazh solidariteti dhe inkurajimi. Për mënyrën si është paraqitur ka një shantazh ndaj një ambasadori dhe kjo është e rëndë” – tha Meta.
Pak kohë më parë u përfol se kishte një video intime mes ambasadorit të BE-së Soreca dhe zv.ministres së brendshme Romina Kuko. Të dy ata e kanë mohuar ekzistencën e një lidhjeje të tillë. ©LAPSI.al
