Kryeministri Edi Rama ka shkuar në Tv Klan me makinën e famshme “Lincoln” me të cilën u largua nga PS në ditën që pranë selisë rozë u kap i armatosur Vladimir Gjuta. Rama u kërkoi gazetarëve që të dilnin ta shihnin nëse ishte e blinduar ashtu siç thotë Partia Demokratike.
“Makina nuk është e blinduar. Makinën e kam që nga viti 2009 kur e ka sjellë im vëlla që kur kam qenë në opozitë. Ashtu si makina që kam si kryeministër që gjithashtu nuk ka qenë kurrë e blinduar. Ka dalë një lajm që kam blerë një makinë të re. Në fakt kam çuar makinën në servis dhe kam marrë me qera një makinë nga servisi.
Nuk jam shofer. Nuk di të ngas makinën. Unë nuk kam asnjë makinë të blerë si kryeministër. Ajo është që në vitin 2009. Makina e re është me qera në përdorim që ma ka dhënë servisi. Deklarata e opozitës nuk është e vërteta, por ajo duhet vërtetuar” – tha Rama. ©LAPSI.al
