SF1000: quhet kështu Ferrari që Vettel e Leclerc do të drejtojnë në Botërorin e Formula 1 2020. Makina, që është prezantuar në teatrin Romolo Valli në Reggio Emilia, është një homazh për Italinë e Cmimit të Madh të 1000-ë që skuderia do të garojë në këtë sezon. Makina ka ndryshim në imazh, me tonalitetin e të kuqes më të errët, është zgjedhur një font retrò për numerat e garës, pjesa tjetër i takon dy pilotëve Sebastian Vettel e Leclerc.
"Impakti me sezonin është pak ndryshe sepse tani njoh ambjentin, duke qenë viti i dytë që jam këtu - u shpreh Leclerc -. Kam besim dhe mezi pres të nisim. Jam përgatitur fizikisht shumë në mal, mentalisht do të provoj të jap më të mirën bashkë me skuadrën. Kemi punuar së bashku për të bërë një makinë më të mirë e për të mësuar nga gabimet e të shkuarës".
I mahnitur nga modeli i ri ka mbetur Vettel: "Makina më pëlqen shumë e shihen disa ndryshime. Mezi pres ta drejtoj, por duhet të pres një javë. Ndihem edhe unë pak italian. Për ushqimin përshembull, por dua edhe njerëzit e kulturën. Por mbi të gjitha kam një pasion të madh për Ferrarin, që është një pjesë e madhe e historisë italiane. E pamundur të bësh parashikime, garantoj impenjim maksimal, si të gjithë ata që punojnë për Ferrarin. Për pjesën tjetër, duhet të presim".
