Arrestohen në flagrancë në qytetin e Shkodrës 2 persona. Ata janë arrestuar pasi kanë tentuar të vjedhin banesën e shtetasit B. G., në fshatin Bërdicë.
Arrestimi i tyre është bërë i mundur nga shërbimet e Komisariatit të Policisë Shkodër, në bazë të informacioneve të marra në rrugë operative.
Dy shtetasit e arrestuar janë R. D., 23 vjeç, banues në Vlorë dhe K. Ll., 23 vjeç, banues në Fushë Milot, Kurbin.
Ndërkohë, vijon puna për dokumentimin e ngjarjeve të tjera në të cilat mund të jenë implikuar këta shtetas, si dhe për identifikimin e bashkautorëve të mundshëm.
Materialet iu referuan Prokurorisë së Rrethit Gjyqësor Shkodër, për veprën penale “Vjedhja e mbetur në tentativë, e kryer në bashkëpunim”.
