Nga Prishtina sot erdhi një tjetër leksion demokracie edhe pse pati vonesa gati tre muaj për formimin e koalicionit qeverisës. U zhvillua një ceremoni për kalimin e qeverisjes nga njëra palë tek tjetra. Pavarësisht se nuk ishte ish-kryeministri Ramush Haradinaj pasi ndodhej në SHBA, zëvendësi i tij Behgjet Pacolli priti Albin Kurtin dhe i dorëzoi detyrën e kreut të ekzekutivit.
Nuk mbahet mend një ceremoni e tillë kalimi pushteti nga pala humbëse tek pala fituese në Shqipëri. Kosova ishte me standarde të tjera edhe kur vjen puna tek mbajtja e zgjedhjeve dhe administrimi i procesit.
Në kohë të shpejtë doli rezultati i zgjedhjeve të 6 tetorit dhe nuk pati incidente apo kontestime themelore sic kemi parë në Shqipëri. Jemi vëllezër të një gjaku, por shumë të ndryshëm kur është fjala për zgjedhjet dhe rotacionin e pushtetit.
©LAPSI.al
