Manovra të kryqëzuara për Milan, që në njërën anë kërkon të përforcojë skuadrën me lojtarë me të ardhme të shkëlqyer, por nga ana tjetër kërkon të qendrojë në terrenin e investimeve kursimtare, duke përdorur mekanizma interesantë për të shmangur klauzolën e zgjidhjes së kontratës së Florentino.
Milan provon kështu të mundë konkurencën e Manchester United për të arritur tek Florentino Ibrain Morris Luis, i njohur si Florentino, xhevahiri i futbollit portugez. Sipas emitentit SportTV, kuqezinjtë i kanë bërë propozimin e tyre Benfikës: huazim për 18 muaj e me të drejtë blerje për 50 milionë, e njëjta formulë që ka cuar Gedson Fernandes tek Tottenham. Mesfushori 20 vjecar, në fakt, ka një klauzolë të zgjidhjes së kontratës prej 120 milionë e vështirë se do të pranojë kushtet e italianëve.
Ndërkohë, Milan punon fort në dalje, për të siguruar likuiditetet e duhura për të ndërtuar sulmin final për Florentino. Nga Spanja vijnë konfirmime për një tratativë mes Milan e Sevilla për Suso. Sipas asaj që bën të ditur 'Marca', dy klubet po mundohen të mbyllin operacionin, por akordi është ende larg. Nyjet e operacionit lidhen me vlerësimin e kartonit të lojtarit spanjoll e gjendjes së operacionit: andaluzianët duan një huazim me të drejtë blerje në fund të sezonit, kuqezinjtë shtyjnë për detyrim blerje. Suso kërkon të ndryshojë ambjent e në Sevilla do të gjente sërisht Julen Lopetegui.
