Policia gjermane është vënë në kërkim të autorëve që gjatë natës realizuan atë që mund të quhet “vjedhja e shekullit”. Bëhet fjalë për hyrjen në pallatin mbretëror të Dresdenit të cilët vodhën stoli me vlerë 1 miliard dollarë. Hajdutët arritën të futen në brenda pasi fikën sistemin e energjisë elektrike, duke çaktivizuar alarmet.
Pas hynë nga një dritare, ata shkuan vetëm te vitrina e muzeut ku mbaheshin stoli të lashta, diamante e gurë të çmuar, me vlera historike që nuk çmohen, por që mund të arrijnë deri në 1 miliard euro. Kjo duket si grabitja më e madhe në botë që është shënuar deri më sot.
Hajdutët janë filmuar nga kamerat por ende nuk dihet gjë për vendndodhjen e tyre. policia ka bërë një lutje ndaj hajdutëve që të bëjnë ç’është e mundur që të mos i shkrijnë objektet me vlerë, por t’i mbajnë ashtu siç janë. Kështjella e Dresdenit tashmë shërbente si një muze dhe mbante një nga koleksionet më të mëdha të thesareve në Evropë.
Nga kamerat e sigurisë shihen 2 persona, por policia tha se mund të ketë më shumë njerëz të përfshirë. Hajdutët vodhën të paktën 3 arka bizhuterish të paçmuara të shekullit të 18-të. Ajo tha se vlera materiale ishte e ulët, por vlera historike dhe kulturore ishte e pamundur të vlerësohej.
Policia gjermane tha se kishte lajmëruar vendet fqinje që të rrisnin vigjilencën dhe të mbyllnin autostradat. Një makinë u gjet e djegur më vonë, por policia tha që po hetonte nëse ishte e lidhur me incidentin. ©LAPSI.al
