Inter i Antonio Conte nuk ndalet as nën presionin e një fitore të ditur të Juventus dhe shkon të fitojë pikërisht në qytetin e rivalëve, kundër skuadrës tjetër, Torinos. Inter ka fituar 11 nga 13 ndeshjet e para të kampionatit: zikaltrit nuk kanë bërë kurrë më mirë në Serie A, duk e e arritur këtë rezultat vetëm në 1950/51. Asnjë trajner në historinë e klubit nuk kishte arritur ta conte drejt golit skuadrën në 13 ndeshjet e para të Serie A.
Zikaltrit kërkuan ta zgjidhnin sa më shpejt ndeshjen dhe e arritën me golat e Lautaros e De Vrij, që cuan të qetë milanezët në dhomat e zhveshjes. 0-3 në transfertë është një rezultat impresionues sidomos po të kesh parasysh se për herë të parë në Serie A zikaltrit kanë fituar shtatë transfertat sezonale. Argjentinasi Lautaro vazhdon të shënojë me rregullsi dhe që në fillim, tetë gola në të gjitha kompeticionet ka realizuar sulmuesi në 30 minutat e para të lojës, ndërsa në Serie A ky ishte goli i 6, që barazon shifrat e sezonit të kaluar.
Goli i tretë mban firmën e Romelu Lukaku, që shënoi kështu golin e 10 në kampionat. Vetëm një futbollist debutues ka shënuar po kaq gola në kaq ndeshje të Inter në kampionat: Stefano Nyers, në sezonin 1948/49. Lukaku ka shkuar në shifra të dyfishtë në tetë kampionatet e fundit, kështu që nuk është cudi, edhe pse Inter ka cuar 11 shënues të ndryshëm në gol: zikaltrit janë skuadra që numëron më shumë shënues në këtë kampionat dhe tani me 34 pikë, janë vetëm një larg Juventus.
