Një mesazh në konferencën për shtyp për dy miq, që në Niko Dovana këtë herë do ti ketë kundërshtarë: Kristi Vangjeli dhe Tefik Osmani. “Te Tirana kam dy miq të mirë, si Kristi Vangjeli dhe Tefik Osmani. Pa diskutim që do të doja ta fitoja unë këtë ndeshje. Do jetë ndeshje e bukur, e luajtur mirë dhe për arsyen që fusha do jetë në një nivel më të mirë se sa ka qenë. Kjo do të jetë një shkak që të jetë një ndeshje e bukur”, kështu e ka nisur konferencën për shtyp tekniku Bledi Shkëmbi, Teuta e të cilit është vetëm dy pikë larg kreut, por gjërat nuk i kanë shkuar shumë mire.
Durrsakët, që në 10 javë kanë shënuar vetëm një gol më shumë se kanë pësuar. Ofensiva e skuadrës së Shkëmbit ka shënuar vetëm 7 gola, praktikisht më pak se një gol për ndeshje, gjë që për ambicjet e bregdetarëve nuk garantojnë siguri. Teuta mund të konsiderohet edhe prova e parë e vërtetë për Ahmatajn, që vjen nga suksesi me Luftëtarin, por Kristi Vangjeli dhe Tefik Osmani dy miqtë kundërshtarë të teknikut korcar të bluve e kanë marrë paralajmërimin.
Me 16 pikë në 10 ndeshjet e para, Teuta është një distancë larg Tiranës dhe dy pas Partizanit kryesues. Kërkohet tashmë një fitore në Niko Dovana dhe skuadra e teknikut korcar në këto javë të kampionatit është mundur vetëm në dy ndeshje, në Lac dhe në
Korcë, ndërsa në shtëpi është ende e pamundur.
