Ish-kryeministri Sali Berisha ka “zbardhur” prapaskenat që po zhvillohen sipas tij në kampin e Partisë Socialiste në lidhje me kryebashkiakun e Vorës, Agim Kajmakun.
Sipas Berishës, kryeministri Edi Rama po tenton që ta largojë nga posti Kajmakun dhe bashkë me të "të shkrijë" edhe Bashkinë e Vorës.
“O Kajmakun ose zhduket Vora! O Kajmak o kajmakli une e zhduk Voren per ty! Miq, pas vertetimit se Jorgo Tora i arrestuar per fallsifikim parash ne Greqi eshte fiks Kajmaku i partise, kreu i Meduzes thuhet se po mendon per te zhdukur Bashkine e Vores, sipas kesaj llogjike pa Kajmakun e Surrelit nuk Vore dhe qytetare, duke treguar se banditizmi i kryekreut te meduzes ka kufinj vetem qiellin! Kesaj i thone O Kajmak o Kajmakli une e zhduk Voren per ty!,”-shkruan Berisha.
Ditën e djeshme, në mediat online nisi të qarkullojë premisa që njësia vendore e Vorës do të ndahet territorialisht mes bashkisë së Tiranës dhe asaj të Kamzës, për të shmangur Kajmakun, pasi PD-ja deklaroi se Prokuroria kishte konfirmuar se në sajë të gjurmëve daktiloskopike, kandidati socialist fitues në zgjedhjet monopartiake të 30-qershorit, është i njëjti person me "Jorgo Toton", që ka llogari të hapura me drejtësinë greke. Ndarja e Vorës do të ndryshonte automatikisht balancat në favor të Partisë Socialiste, dukem u pasqyruar në tkurrjen e përqindjes së elektoratit tradicionalisht të djathtë në Kamëz. ©Lapsi.al
