Zjarri në masivet pyjore të Nikolicës në Devoll, është përshkallëzuar në zonë duke marrë përmasa të mëdha.
Flakët e zjarrit po përhapen me shpejtësi të favorizuara nga era, duke mundur kështu të depërtojnë në brendësi të pyllit.
Forcat e shumta zjarrfikëse dhe të ushtrisë që gjenden në vendngjarje, po hasin vështirësi për rivënien e situatës, pasi prej mesditës zjarri është bërë me intensiv. Autoritetet lokale i janë drejtuar për ndihmë autoriteteve greke për të ndërhyrë nga ajri në shuarjen e flakëve.
Pranë vatrës së zjarrit në Nikolicë janë gjetur fishekë që i përkasin vitit 1997, disa prej të cilëve kanë shpërthyer duke vënë në rrezik jetën e banorëve përreth. ©Lapsi.al
