Drejtori i Portit të Durrësit, Agron Tare është dorëhequr nga detyra. Lajmi është bërë i ditur nga vetë Tare në një postim tijin në "Facebook", ku shkruan se ka dhënë dorëheqjen për të vijuar rrugëtimin profesional.
“Që prej marrjes së detyrës si Drejtor i Përgjithshëm Ekzekutiv i Autoritetit Portual Durrës, kam shërbyer më devotshmëri dhe pasion për punën, gjë që e tregojnë rezultatet e deritanishme financiare të këtij institucioni. Dorëhiqem për të vijuar rrugëtimin tim profesional dhe duke i uruar pasardhësit/es tim/e suksese! Nuk mund të lë pa falënderuar ata që më besuan këtë pozicion të rëndësishëm, ekipin e APD-së, bashkëpunëtorë të mi, të afërt e të largët! Ciao a tutti, belli e brutti!”, është shprehur ai.
Tare e mori postin e drejtorit të Portit të Durrësit më 22 janar të viti 2019, pasi ministrja e Infrastrukturës, Belinda Balluku shkarkoi Afrim Bakajn. Më herët, Tare ka mbajtur detyrën e konsullit të Përgjithshëm të Shqipërisë në Stamboll.
