Me gjashtë fitore në po aq ndeshje në Premier League, Liverpool ka regjistruar një fillim të shkëlqyer të sezonit. Edhe pse fitorja ishte e komplikuar ndaj Chelsea të Dielën (2-1), Reds mbeten në krye të Premier League me pesë pikë para Manchester City, pretendenti kryesor për titullin.
I pyetur për statusin e mundshëm të skuadrës më të mirë në botë, Jürgen Klopp mohoi këtë cilësim në një konferencë shtypi pas ndeshjes. "Skuadra më e mirë në botë është Manchester City."
Një mënyrë e mirë për ta kaluar presionin te Qytetarët? Apo një kompliment i vërtetë për ekipin që shkërmoqi Watford 8-0 të shtunën? Vështirë të dihet se çfarë mendon konkretisht trajneri gjerman, edhe pse gjithmonë ka treguar respekt ndaj Pep Guardiola.
Për të arritur fitoren e shtatë radhazi, Liverpool do të përballet me Sheffield United këtë të shtunë (13:30) ndërsa City do të sfidojë Everton, pak më vonë (18:30).
