Liverpool bën gjasshtë fitore në gjashtë ndeshje dhe i përgjigjet tetë golave të Manchester City, duke shkuar të fitojë në Stamford Bridge kundër Chelsea. Jurgen Klopp mund të krenohet me pikët e plota në Premier League, që demoralizojnë të gjithë kundërshtarët, edhe Franck Lampard që shpresonte ti bënte një surprizë të hidhur Reds, por u detyrua të ndjekë ndeshjen që vetëm 14 minutash lojë.
[video width="1280" height="720" mp4="https://cdnimpuls.com/lapsi.al/wp-content/uploads/2019/09/liverpool-goial.mp4"][/video]
Formacioni nga Merseyside rrëmbeu 1-2 në përballjen delikate, jo pa polemika, për shkak të një goli të anulluar Azpilicueta, që do të kishte qenë ai i barazimit 1-1. Në ndeshjen më të rëndësishme të javës në Premier League, Liverpool mori avantazhin me një skemë brilante në një goditje dënimi. Alexander Arnold shënoi me një silurë të vërtetë në minutën e 14, duke bërë të heshtë stadiumi londinez.
Reagimi i Chelsea ishte i menjëherëshëm, por Azpilicueta nuk iu gëzua dot golit të shënuar, sepse VAR thërriti një pozicion jashtë loje, që e bëri të pavlefshëm golin e spanjollit. Polemika dhe hidhërim i londinezëve, që kalojnë nga euforia për stabilitetin e rezultatit, në një gol kapitullimi.
[video width="1280" height="720" mp4="https://cdnimpuls.com/lapsi.al/wp-content/uploads/2019/09/liverpol-0-2.mp4"][/video]
Pikërisht kështu, sepse Firmino në minutën e 30 ndëshkoi Blues me një gol tipik të tij, duke siguruar rezultatin, në një ndeshje shumë të rëndësishme. 45 minutat e pjesës së parë ishin për t’u harruar për Blues në fakt, që vuajtën edhe dëmtimet e Emerson e Andreas Christensen, të zëvendësuar nga Zouma e Alonso. Edhe në këto kushte londinezët nuk u dorëzuan dhe Liverpool duhet të vuante në 20 minutat e fundit, pas golit të Kante, që ngushtoi diferencën në 2-1. Londinezët e kishin rritur shumë presionin, por vetëm mesfushori arriti të cajë barrierën e Reds me një depërtim e finalizim për tu admiruar. Pas kësaj fitore, Liverpooli ka shkuar në kuotën e 18 pikëve në krye të Premier League, ndërsa Chelsea pozicionohet në vendin e 11-të me 8 pikë.
[video width="1280" height="720" mp4="https://cdnimpuls.com/lapsi.al/wp-content/uploads/2019/09/chelsea-liv.mp4"][/video]
Në sfidat e tjera të së dielës në Premier, spikat humbja befasuese e Manchester United përballë West Ham 2-0, ndërsa Arsenal ka vuajtur shumë për të kaluar 3-2 Aston Villa.
ENGLAND - PREMIER LEAGUE
Crystal Palace 1 - 1 Wolverhampton Wanderers
West Ham United 2 - 0 Manchester United
Arsenal 3 - 2 Aston Villa
Chelsea 1 - 2 Liverpool
