Trajneri Di Lorenzo i New Basket Giugliano, skuadra kampane e Serie C Gold, ka tërhequr skuadrën nga finalja e një turneu pre-kampionati, pasi një lojtar i skuadrës kundërshtare, Basket Casapulla, klub i Serie D të kasertanos, e ka ofenduar lojtarin e tij, Raul Lazaro Diaz, me shprehjen "zezak i m...".
Episodi ka ndodhur në Pozzuoli, ku skuadra lokale Flavio Basket ka organizuar turneun San Gennaro, në edicionin e tij të katërt. Vendimi i Di Lorenzo, sipas asaj që bëhet e ditur, ka ardhur pasi gjakrat e lojtarëve në parket po nxeheshin e, sipas asaj që tregoi trajneri, nga ana e kundërshtarëve nuk do të kishte asnjë mesazh dënimi: "U munduan vetëm ta minimizojnë ngjarjen".
Nga shoqëria organizuese, Flavio Basket, si përmes rrjeteve sociale ashtu dhe nga fjalët e drejtuesve, ka ardhur një pozicionim i ashpër: "Kjo e jona është një shoqëri që ka qenë gjithnjë kundër racizmit. Distancohemi nga gjesti i shëmtuar në dëm të sportistit Diaz e ndihemi gjithashtu të dëmtuar".
