James Rodriguez u kërkua nga disa skuadra, por në fund i mbeti në dorë Real Madrid, për shkak të zhvillimeve të merkatos dhe dëmtimit të Asensio. Por kolumbiani ka marrë një sulm të fortë nga Hector Fabio Cruz, ish-mjeku i kombëtares kolumbiane që ka shprehur fjalë të rënda, pas dëmtimit të panumërt të fantazistit. "Djaloshi ka probleme serioze me kokën. Nuk bën një stil jete të duhur për një futbollist profesionist dhe ky është motivi i dëmtimeve të vazhdueshme".
Sulmi i mjekut specialist ka ardhur nga radhët e Futbolred, pas dëmtimit në pulpë që James pësoi në daljen e parë zyrtare me fanellën e Real Madrid, pas kthimit nga Bayern. Që kur mbërriti në Europë, në 2010, kolumbiani ka pësuar 28 dëmtime (gati të gjithë muskularë) për një total prej 504 ditësh inaktivitet. Një brishtësi që, sipas Hector Cruz, varet nga stili i jetës së lojtarit që "mendon ekskluzivisht të bëjë festë. Në vend të punojë me fizioterapistin, bën vetullën e modele flokësh. Gjatë Botërorit 2014 u dëmtua dhe shkoi në plazh. Njësoj edhe pas Kupës së Amerikës, kur vajti në Medellìn të bënte festë me miqtë ".
"James - vazhdoi ish-mjeku -, po e hedh në erë karrierën. E ka humbur busullën prej kohësh. Një lojtar me stilin e tij të jetës bën një ose dy ndeshje dhe dëmtohet përsëri, është e paevitueshme. Me këtë ritëm - përfundoi Cruz - është i destinuar të dështojë".
