”Asgjë nuk ndryshon deri sa të largojmë Edi Ramën, kokën e krimit politik!”, shkruante kryetari i Partisë Demokratike, Lulzim Basha, dy ditë më parë pas njoftimit të bërë nga kryebashkiaku i zgjedhur i Shkodrës për tërheqjen nga marrja e detyrës.
Sërish sot, në një postim në llogarinë e tij zyrtare në “Facebook” i është përmbajtur të njëjtit mesazh, ku krahas denoncimit për lidhje me botën e krimit, duke përmendur emra të përveçëm të ish-zyrtarëve dhe të funksionarëve aktualë të Partisë Socialiste, Basha thekson se “Krimi dhe Edi Rama janë të pandashëm. Që të largojmë krimin duhet të largojmë Edi Ramën!”
Përmes një videoje të postuar bashkëngjitur postimit, kryedemokrati numëron “kartelën e shkurtër kriminale” të 27 politikanë socialistë , që sipas tij janë përfaqësues të krimit ose kanë lidhje me krimin.
Mesazhi i Bashës
Ja banda e kriminelëve dhe hajdutëve me të cilët Edi Rama ka zaptuar çdo pushtet për të vjedhur Shqipërinë.
Krimi dhe Edi Rama janë të pandashëm. Që të largojmë krimin duhet të largojmë Edi Ramën! #ShqipëriaSiEuropa #HajdutiPsiqik #RamaIk
https://www.facebook.com/lulzimbasha.al/videos/717886505303132/?v=717886505303132
