Kryetari i Partisë Demokratike, Lulzim Basha, pritet që t’i bashkohet mbrëmjen e sotme protestës së përnatshme në Unazën e Re. Qëllimi i këtij takimi të kryedemokratit me banorët e Astirit është firmosja e kontratës së besimit për bashkëpunimin e palëve në opozitë dhe në qeveri.
Detajet e kësaj marrëveshjeje, e ngjashme me paktin që u nënshkrua nga Basha me komunitetin e artistëve në kauzën për të mos lejuar shembjen e godinës së Teatrit Kombëtar, nuk janë bërë ende të ditura.
Banorët e Astirit, për një periudhë pothuajse 1-vjeçare protestojnë çdo mbrëmje kundër projektit të Unazës së Re, që sipas tyre është korruptiv dhe nuk dëmshpërblen në mënyrë të drejtë zotëruesit e shtëpive që preken nga zbatimi i tij.
